'Ma ‑pɔn ‑ma ‑gbu" 'di "tia i
61
Dafi 'a 'dʋ ɔɔ blea, ‑ɛ ‑nɩa 'de 'dʋ blei klaa" 'a 'dʋsbɛ 'di ɛ. ‑Si' ‑plʋ mɛ ɔɔ bla ‑wɛe ɔɔ bleɛ.
2 'Oo kea, ɛ po 'ma "wɔwlu doun" o,
Ɛ po 'ma baewlu doun" o.
3 'Ɩn nɩɛ 'de 'blʋa 'a "ti na' ‑wɛe 'ma po ɛ ‑tooi",
'kpɩ wa "mii, ɛ kpa 'ʋn 'de "sou kpo 'ɩn sea jɛɛa' 'bɛɛ ‑pʋn".
4 Dɛ ‑nʋɛ ‑mɔ ‑nɩ 'ma sro' 'wlaa na',
‑mɔ ‑nɩ 'ma ‑gblo" 'de 'ma tʋnyʋ ‑pee!
5 'Ɩn nɩɛ "i 'ɩn 'je ‑ma ‑gbu" 'di "ti 'de nɔ" 'oo nɔ" ‑wee' 'di,
‑wɛe 'ɩn 'je 'kwla pa 'de ‑ma nai ‑sɔn. ‑Te' ‑kwlʋ.
6 Kɩɩn, 'oo Kea, dɩ 'ma ‑pɔn a, ‑ma ‑nyɩ" 'ʋn 'ɛ,
dɛ ɛ "nyɩa nyʋ ‑ʋʋa pleɛɛ, ɛ "nyɩɛ 'mɔ 'mɛ ‑ke.
7 Ɛ "nyɩ 'blʋajei 'kmʋ ‑kwlea', ɛ po ɔɔ' ‑sɩn "kpei.
8 'Oo kea, ɔɔ' 'beɔ nɩa' mu nya 'de ‑ɩn ‑juɔi",
‑wɛe ‑ma nyiɔɔ' ‑tɩ' 'a kmaa' o, ‑ma wlu "kpei kpʋn 'a 'jeɔ i fuo‑.
9 ‑Bo ɛ nɩ kan' ‑wɛe 'ɩn 'je ‑ma 'nynɩ "i 'bɛɛ‑ jeejee,
'de dɛ ‑ɛɛ wlu 'ɩn cɛan ‑tie" 'ɩn 'jeɛ nʋ jeejee.